«Ál-Kaıdanyń» eń qaýipti lańkesteriniń biri Túrkııada ustaldy
ASTANA. QazAqparat - 2012 jyly Lıvııadaǵy amerıkalyq konsýldyqqa shabýyldy uıymdastyrdy dep kúdiktelgen Abd ál-Baset Azzýz Túrkııada ustalyp AQSh-qa berildi, dep jazdy sheteldik BAQ.
Basylym derekterine qaraǵanda, jalǵan qujatpen Túrkııada mekendegen Azzýz 13 qarashada Túrkııanyń soltústik-batysyndaǵy ıAlova provıntsııasynda ustaldy. Ol 24 qarashada Iordanııaǵa shyǵarylyp, keıin AQSh-qa attandyryldy.
Gazette sonymen qatar, Azzýz Lıvııadaǵy «Ál-Kaıda» lańkestik tobynyń jattyǵý lagerin basqarǵan.
80-jyldary Azzýz Aýǵanstanda keńes áskerlerine qarsy kúresken. 1994 jyldan Ulybrıtanııada turǵan. 2006 jyly lańkestik áreketke qatysy bar degen kúdikpen ustalǵan. Alaıda kepildik arqyly bosatylyp, Lıvııaǵa qashady. Munda 2011 jyldan «Ál-Kaıda» sodyrlaryn jınaýmen jáne jattyqtyrýmen aınalysqan. AQSh Azzýzdy eń qaýipti halyqaralyq lańkesterdiń ondyǵyna kirgizgen.
2012 jyly qyrkúıekte Bengazıdegi amerıkalyq konsýldyqqa jasalǵan shabýyl saldarynan tórt amerıkalyq qaza tapty, solardyń ishinde Lıvııadaǵy AQSh elshisi Krıstofer Stıvens bolǵan.
