«Ál-Kaıdanyń» burynǵy nasıhatshysy Qyrǵyzstannan saıası baspana suraýda
ASTANA. 12 mamyr. QazAqparat - Qyrǵyzstanda «Ál-Kaıdanyń» burynǵy nasıhatshysy saıası baspana suraıdy dep habarlaıdy «24.kg» AA «Delo №...» gazetine silteme jasaı otyryp.
Gazette jarııalanǵan málimetterge qaraǵanda, Bishkek qalasynda 43 jastaǵy Túrkııa azamaty, batys gazetteri «túriktiń ekstremıstik toptarynyń daýysy» dep ataǵan Álı Osman Zor tutqyndalǵan.
Baspasózdiń habarlaýynsha, Qyrǵyzstannyń Ulttyq qaýipsizdik jónindegi memlekettik komıteti tutqyndaý faktisin rastap otyrǵanymen, qandaı da bir málimdeme berýden bas tartqan.
Keıbir derekterge qaraǵanda Qyrǵyzstanda Álı Osman Zor túrik tilindegi birneshe baspa jáne ınternet aqparat quraldarynyń, onyń ishinde oppozıtsııalyq Baran jýrnalynyń múddesin alǵa qoıǵan.
Álı Osman Zor resmı Ankara ony ekstradıtsııalaý jóninde Qyrǵyzstan Bas prokýratýrasyna suranym joldaǵannan keıin 2011 jyldyń 2 mamyrynda tutqyndalǵan.
Túrkııa tarapy ony lańkesterge qamqorlyq jasady degen kúdikpen aıyptaýda.
