«Ál Kaıda» kóshbasshysy Ýsama Ben Laden tiri bolýy múmkin
ÁBÝ-DABI. 6 qańtar. QazAqparat - «Ál Kaıda» halyqaralyq terrorıstik uıymynyń kezindegi kóshbasshysy Ýsama Ben Laden tiri bolýy múmkin, deıdi Kýveıt ýnıversıtetiniń professory Abdýlla Ál Nafessı.
Saıası ǵylymdar doktory A.Nafessı 2011 jyly «nómir birinshi lańkestiń» ólimine qatysty AQSh tolyq aqparatty ashqan joq dep sanaıdy.
«Amerıkalyqtar Ben Ladendi óltirip, 2011 jyldyń mamyrynda onyń denesin teńizge laqtyryp jibergen joq. «Ál Kaıda» kóshbasshysyn urlap áketip, qupııa jerde ustap otyr. AQSh sekildi alyp derjavanyń 11 jyl boıy izdep, qyrýar qarjysyn jumsaǵan adamdy jaı óltire salýy múmkin emes. Bul AQSh-tyń arnaıy qyzmetteriniń kásibılik deńgeıiniń tómendiginen habar berýshi edi», - dedi Abdýlla Ál Nafessı arabtyń «Haledjııa TV» telearnasyna bergen suhbatynda.
Kýveıttik sarapshynyń pikirinshe, tiri bolýy múmkin Ben Ladennen alynǵan málimetterdi amerıkalyqtar «Ál Kaıdamen» kúres úshin paıdalanyp otyr.
