Ál-Kaıda AQSh-qa kezekti lańkestik shabýylyn jasamaq
ASTANA. 25 shilde. QazAqparat - Ál-Kaıda AQSh-qa kezekti lańkestik shabýylyn jasamaq. Mundaı málimdemeni lańkestik uıymnyń ıraktik uıashyǵynyń basshysy Ábý Bakr ál-Baǵdadı jasady, dep habarlaıdy Ýtro.rý NBC-ke silteme jasap.
«Taıaý aralyqta sizder otandaryńyzdyń qaq júreginde oǵan (lańkestik áreketke) kýá bolasyzdar. Óıtkeni sizdermen bizdiń soǵysymyz endi ǵana bastaldy. Olardy kútińder», - deıdi ál-Baǵdadı «Ál-Kaıda» taratqan aýdıojazbada.
Onyń atap ótýinshe, qazirdiń ózinde lańkester Amerıkaǵa jol tartqan. «Modjahedter qazirdiń ózinde-aq senderdiń qashqyn armııalaryńnyń izine túsý úshin joryqqa shyqty. Olardyń senderdi Ýsamadan da (ben Laden) qatań jazalaýǵa ant etti», - deıdi lańkester basshysy.
Degenmen AQSh-tyń quqyq qorǵaý organdary bul jazbany «Ál-Kaıdanyń» kezekti qoqan-loqqysy dep baǵalap otyr.
