Al Jazeera: Izraıldiń áreketinen Gazada keminde 10 adam mert boldy
ASTANA. KAZINFORM – Izraıl Gazanyń ortalyǵyndaǵy bosqyndar lagerinde ornalasqan turǵyn úıge ushqyshsyz ushatyn apparattyń kómegimen soqqy jasaýy saldarynan palestınalyq bir adam mert bolyp, eki adam jaraqat aldy, dep jazady reseılik TASS Al Jazeera telearnasyna silteme jasap.
Telearna keltirgen málimetterge qaraǵanda, palestınalyq anklavtyń ońtústiginde Han-ıÝnıs qalasynan shyǵysqa qaraı ketip bara jatqan gýmanıtarlyq kómek tıelgen avtokolonnany áýeden atqylaý barysynda taǵy 9 adam mert boldy. Sonymen qatar zardap shekkender týraly aqparattar túsken, alaıda olar áli naqtylanýda.
2023 jyldyń 7 qazanynda radıkaldyq palestınalyq HAMAS qozǵalysy sodyrlarynyń Gaza sektorynan Izraıl aýmaǵyna kirisimen Taıaý Shyǵystaǵy jaǵdaı kúrt shıelenise tústi. Sebebi sodyrlar shekaralas aımaqtarda adamdardy óltirip, keıbirin kepildike alǵan. Oǵan jaýap retinde Izraıl HAMAS-tyń saıası jáne áskerı qurylymdaryn joıyp, kepilge alynǵandardy bosatý úshin Gazada operatsııa bastady.
Osyǵan deıin 2023 jyldyń 7 qazanynan beri Izraıldiń Gaza sektoryndaǵy shabýylynan qaza tapqandar sany 43 341-ge jetkenin azdyq.
