Al Jazeera telearnacy Izraıl áskerıleri keńseni basyp alǵanyn habarlady

ASTANA. KAZINFORM — Izraıl áskerleri Ramalladaǵy (Palestına qalasy) Al Jazeera keńsesin basyp alyp, keńseni 45 kúnge jabýdy buıyrdy. Bul týraly Al Jazeera telearnasy málimdedi.

Qarýly, betperde kıgen ızraıldik sarbazdar Al Jazeera keńsesi ornalasqan ǵımaratqa basyp kirip, jeksenbi kúni tańerteń jeliniń Batys jaǵalaýyndaǵy bıýro basshysy Valıd ál-Omarıge 45 kúnge jabý týraly buıryq berdi.

Izraıl áskerıleri bul sheshimniń sebebin aıtpaǵan.

Ramalladan telefon arqyly sóılesken Al Jazeera qyzmetkeri Nıda Ibragım Izraıldegi reportajǵa tyıym salynǵannan keıin Batys jaǵalaýdaǵy reıd pen jabý týraly buıryq «tańǵalarlyq jaǵdaı emes» ekenin aıtty.

«Biz Izraıl sheneýnikteriniń bıýrony jabamyz dep qorqytqanyn estidik. Biz úkimettiń osyny talqylap, basyp alynǵan Batys jaǵalaý áskerı bıleýshisinen arnany jaýyp tastaýdy suraǵanyn estidik. Biraq biz bul búgin bolady dep kútpegen edik», - deıdi Nıda Ibragım.

Aıta keteıik, Izraıl Al Jazeera telearnasynyń keńselerin jaýyp tastady. Ol telearnany arandatýshy dep atady.

Al Jazeera Izraıl Qarýly kúshteri soqqysynan Gazada eki jýrnalıst qaza tapqanyn habarlady.