Qatar astanasynda jarylys boldy

ASTANA. KAZINFORM – Qatar astanasynda soqqy jasalǵan ǵımaratta palestınalyq HAMAS qozǵalysy basshylyǵynan keminde 4 adam bolǵan. Bul týraly Al Hadath telearnasyna silteme jasap reseılik TASS habarlady.

Telearna derekkóziniń habarlaýynsha, HAMAS-tyń Gaza sektoryndaǵy kóshbasshysy men kelissózder tobynyń jetekshisi Halıl al-Heııa, qozǵalystyń sheteldegi keńsesiniń basshysy Haled Mashaal jáne radıkaldardyń Iordan ózeniniń Batys jaǵalaýyndaǵy uıashyǵynyń qolbasshysy Zaher Djabarın Izraıl shabýyly saldarynan mert boldy.

Al Hadath derekkózderi sonymen qatar HAMAS-tyń saıası bıýrosynyń múshesi Nızara Aýdallynyń da kóz jumǵanyn rastady.

Soqqy berilgen sátte ǵımaratta qozǵalys basshylyǵynyń taǵy bir múshesi Gazı Hamad ta boldy, dep habarlady telearna. Alaıda onyń taǵdyry týraly qandaı da bir málimet joq.

Osyǵan deıin HAMAS-tyń shuǵyl kelissóz ótkizýge daıyn ekenin málimdegeni týraly jazdyq.