Ál-Ǵanı meshitinde Oraza aıt merekesine oraı qaıyrymdylyq aktsııasy ótti (FOTO)
«Biz barsha qazaqstandyqtardy qasıetti meıram - Oraza aıtpen quttyqtaımyz. Elimizdiń árbir shańyraǵynda meıirim men beıbitshilik bolsyn. Búgingi qaıyrymdylyq aktsııamyz ulyq meıram Oraza aıtqa baılanysty ótkizilip otyr. Oǵan elimizdegi qarttar úıiniń turǵyndaryn, az qamtylǵan otbasylardy, sonymen birge meshitke kelýshi jamaǵatty shaqyryp otyrmyz», - deıdi ózbek etnomádenı ortalyǵynyń basshysy Sherzod Pýlatov. Onyń aıtýynsha, osyndaı ıgi sharalar Qazaqstandaǵy tatýlyqtyń tiregine aınalyp, ulttar arasyndaǵy dostyqty nyǵyzdaı túsedi. Sharaǵa shamamen eki júzden astam adam qatysýda.
Eske sala keteıik, Memleket basshysy Nursultan Nazarbaev Qazaqstan halqy Assambleıasynyń sessııasy barysynda «Úlken el - úlken otbasy» aktsııasyn ótkizýdi tapsyrǵan bolatyn. «Jalpy, Qazaqstan halqy Assambleıasy úshin arnaıy baǵdarlama ázirlenýi kerek. Assambleıanyń memlekettik ishki saıasatty júzege asyrýǵa qatysýy - birqatar jalpy memlekettik mindetterdi sheshýge úles qosar edi. Biz Qazaqstan halqy Assambleıasynyń bastamasymen «Úlken el - úlken otbasy» degen aktsııa uıymdastyrýymyz kerek», - degen edi Prezıdent N.Nazarbaev.
