Ál-Farabıdegi jol apatynyń soty: polıtsııa basshylyǵynyń qyzmettik kóligi týraly derek aıtyldy
ALMATY. KAZINFORM – Almaty qalasynyń Qylmystyq ister jónindegi mamandandyrylǵan aýdanaralyq sotynda Ál-Farabı dańǵylynda bolǵan jol-kólik oqıǵasyna qatysty sot otyrysy ótti.
Búgin sot otyrysynda is boıynsha kýágerdiń tergeý kezindegi jaýaptary oqyldy. Jazylǵan hattamadaǵy málimetke sáıkes, kýáger qalalyq polıtsııa departamenti bastyǵynyń burynǵy orynbasary Erjan Uzabaevtyń júrgizýshisi bolyp qyzmet atqarǵan. Ol oqıǵa kezinde vedomstvolyq Hyundai Palisade kóliginiń basqarǵan. Jol apaty bolǵan túni ol saý bolǵanyn aıtqan jáne meıramhanadan shyqqanda qos tutas syzyq kesip burylǵan.
Ál-Farabı dańǵylynda sottalýshy Pak aıdaǵan Zeekr ony basyp ozyp, shamamen 200 metrge uzap ketken. Keıin kýáger jolda shań kóterilgenin kórip, jol apaty bolǵan orynǵa aınalyp barǵan. Ol sottalýshy aýrýhanaǵa jetkizilgenge deıin alǵashqy kómek kórsetken.
Kýáger jaýabyna jol apatynan keıin onyń qyzmettik kóliktegi jedel memlekettik nómirlerdi aýystyryp tastaǵany jazylǵan. Jaýap alýshy jeke avtokóligi bolmaǵandyqtan, qyzmettik kólikti jeke maqsatyna paıdalanǵanyn moıyndady. Ol bul árekettiń basshylyq habarsyz bolǵan óreskel zań buzýshylyq ekenin atap ótti.
Atalǵan kýáger basqa qylmystyq is boıynsha kúdikti dep tanylǵan.
Eske salaıyq, 2026 jylǵy 21 naýryzǵa qaraǵan túni Zeekr kóliginiń júrgizýshisi Ál-Farabı dańǵylynyń boıymen kele jatyp, qarsy qozǵalys jolaǵyna shyǵyp ketip, Mercedes avtokóligimen soqtyǵysqan. Jol apaty saldarynan Mercedes kóliginiń júrgizýshisi men eki jolaýshysy oqıǵa ornynda qaza tapty.
Atalǵan derek boıynsha QR Qylmystyq kodeksiniń 345-baby 4-bóligi boıynsha qylmystyq is qozǵaldy.
Іs boıynsha sot otyrysynda jábirlenýshiler Aleksandr Pakke keshirim berdi.
Sondaı-aq Ál-Farabıde dańǵylynda bolǵan jol apatynyń beınejazbasy sotta kórsetildi.
Birneshe kýáger sotta jańa derektermen bólisti.
Sondaı-aq sotta 32 jastaǵy aıyptalýshy Aleksandr Paktan jaýap berdi.
Búgin Ál-Farabıdegi jol apaty boıynsha sotta iske jańa jábirlenýshi qosyldy.
