Ál-Farabıdegi jol apaty boıynsha sot keıinge shegerildi
ALMATY. KAZINFORM — Almatynyń Ál-Farabı dańǵylynda bolǵan jol apaty boıynsha búgingi sot otyrysynda Zeekr júrgizýshisinen jaýap alý josparlanǵan bolatyn, alaıda protsess keıinge qaldyryldy.
Búgin sot otyrysynda jábirlenýshi taraptyń jańa advokaty Gúlmıra Babajanova tanystyryldy. Ol jol apatynan qaza tapqan Mercedes júrgizýshisi týystarynyń múddesin qorǵaıtyn bolady.
Advokat qylmystyq is materıaldarymen tanysyp shyǵý úshin ýaqyt berý týraly ótinish bildirdi. Sot bul ótinishti qanaǵattandyryp, isti 15 maýsymǵa shegerdi.
Eske salaıyq, keshe jábirlenýshi tarap óz advokattary Oleg pen Anna Chernovtardyń qyzmetinen bas tartý týraly sheshim qabyldaǵany belgili boldy.
Bul is Almaty qalasynyń qylmystyq ister jónindegi mamandandyrylǵan aýdanaralyq sotynda sýdıa Erkin Maıshınovtyń tóraǵalyǵymen qaralyp jatyr. Aıyptalýshy oryndyǵynda — 32 jastaǵy kásipker Aleksandr Pak otyr. Oǵan QR Qylmystyq kodeksiniń 345-baby 4-bóligi boıynsha aıyp taǵylǵan.
Eske salaıyq, 2026 jylǵy 21 naýryzǵa qaraǵan túni Zeekr kóliginiń júrgizýshisi ál-Farabı dańǵylynyń boıymen kele jatyp, qarsy qozǵalys jolaǵyna shyǵyp ketip, Mercedes avtokóligimen soqtyǵysqan. Jol apaty saldarynan Mercedes kóliginiń júrgizýshisi men eki jolaýshysy oqıǵa ornynda qaza tapty.
Іs boıynsha sot otyrysynda jábirlenýshiler Aleksandr Pakke keshirim berdi.
Sondaı-aq Ál-Farabıde dańǵylynda bolǵan jol apatynyń beınejazbasy sotta kórsetildi.
Birneshe kýáger sotta jańa derektermen bólisti.
