"Ál-Farabı" olımpıadasynyń ashylý saltanaty ótti

dep habarlaıdy QazAqparat.

Olımpıadanyń ashylý saltanatyna atalmysh oqý ornynyń basshylary, oblystyq bilim basqarmasynyń ókilderi, sondaı-aq, aýdandyq bilim basqarmasy basshylary men mektep dırektorlary qatysty.

Ál-Farabı atyndaǵy Qazaq ulttyq ýnıversıtetiniń prorektory Murat Orynhanovtyń aıtýynsha, bıyl olımpıadaǵa qatysýshylardyń sany eki esege artqan. «Ótken jyly olımpıadaǵa qatysýǵa 5 900 ótinish berilse, bıyl 11 954 ótinish tústi. Qatysýshy mektepterdiń sany 523-ten, 996 -ǵa jetip otyr. Oqýshylardyń kópshiligi 2009 jyly geografııa páni boıynsha qatysýǵa usynys berse, bıyl kóbi fızıka pánine qatysýǵa ynta bildirip otyr. Erteń, ıaǵnı aqpannyń 17-nen bastap Astana qalasy men elimizdiń barlyq oblys ortalyqtarynda olımpıadalyq jarystar bastalady. Bul olımpıada respýblıka boıynsha talantty jáne daryndy oqýshylardy iriktep ǵana qoımaı, oqýshylar úshin, bedeldi sanalatyn, 151 mamandyqqa daıyndaıtyn QazUÝ-ti túsýge taǵy bir múmkindik bolady. Óıtkeni, biz bıyl da tegin oqý granttaryn usynyp otyrmyz», dedi Qazaq ulttyq ýnıversıtetiniń prorektory Murat Orynhanov.

Qazaq ulttyq ýnıversıteti, Bilim jáne ǵylym mınıstrligi, QazUÝ túlekter qaýymdastyǵy jáne Mansap sektorynyń turaqty seriktesteri - «Kar-Tel», «Beeline», «Microsoft Kazakhstan», «UK Kazatomprom» AQ kompanııalarynyń qoldaýymen ótip jatqan shara qatysýshylary 14 pán boıynsha baqtaryn synaıdy. Naýryz aıynyń 13-ne deıin ýnıversıtettiń úzdik professorlary Qazaqstannyń barlyq aımaqtaryna baryp, eń úzdik oqýshylardy anyqtaıdy. Olımpıada nátıjesi boıynsha úzdik mektepterdiń reıtıngisi de anyqtalatyn bolady.

Jeńimpazdar, sonymen qatar, olımpıadada jaqsy kórsetkishterge ıe bolǵan mektepter dıplomdarmen jáne baǵaly syılyqtarmen marapattalady.

Mektep olımpıadasynyń jabylý saltanaty sáýir aıynyń 17-de ótedi.