Ál-Farabı men Abaıdyń toıyn, Jeńistiń 75 jyldyǵyn atap ótýge qansha qarjy bólindi
NUR-SULTAN. QazAqparat – Qarjy mınıstriniń birinshi orynbasary Berik Sholpanqulov 2020 jyly toılanatyn Ál-Farabıdiń 1150 jyldyǵy men Abaıdyń 175 jyldyq mereıtoıy, Jeńistiń 75 jyldyǵy boıynsha bıýdjet qarajaty ońtaılandyrylmaıtynyn málim etti, dep habarlaıdy QazAqparat tilshisi.
«Atalǵan ataýly sharalarǵa baılanysty qarjy bólindi. Úsh jyldyń bıýdjetinde kózdeldi. 3 mlrd teńge. ıAǵnı, bul qarajat 2020 jyly toılanatyn Ál-Farabıdiń 1150 jyldyǵy men Abaıdyń 175 jyldyq mereıtoıy, Jeńistiń 75 jyldyǵyna oraı sharalarǵa baǵyttalǵan», - dedi Berik Sholpanqulov
Vıtse-mınıstrdiń aıtýyna qaraǵanda, ımıdjdik sharalardyń birazy ótpeıtin bolyp sheshilgen. Osydan únemdelgen qarajat ǵylymı zertteýlerdi arttyrýǵa jumsalyp otyr.
Eske sala ketsek, buǵan deıin Berik Sholpanqulov Qazaqstanda ımıdjdik maqsatqa jumsalmaq bolǵan 1 mlrd 400 mln teńge únemdelgenin málimdegen bolatyn.
