Ál-Farabı dańǵylyndaǵy jyldamdyqty shekteýge qatysty ákimdik túsinik berdi
ALMATY. QazAqparat - Almaty ákimdigi ál-Farabıde jyldamdyq saǵatyna 60 shaqyrymǵa deıin shekteledi degen aqparatqa túsinik berdi, dep habarlaıdy QazAqparat tilshisi.
«Ál-Farabı dańǵylyndaǵy jyldamdyqty saǵatyna 80-nen 60 km-ǵa túsirý máselesi Almaty qalasynyń ákimdiginde qarastyrylyp jatqan joq», - dep habarlady Almaty qalasy ákiminiń baspasóz qyzmeti.
Buǵan deıin, QR Іshki ister mınıstri Erlan Turǵymbaev Almaty ákimdiginiń ál-Farabı dańǵylyndaǵy ruqsatty shekti jyldamdyqty qaıta tómendetý máselesin qarastyryp jatqanyn aıtty.
Aıta ketý kerek, Ál-Farabı dańǵylynda, Shyǵys aınalma joly, Saın kóshelerinde 2019 jyldyń 15 qańtarynda jol apaty sanyn azaıtý maqsatynda jyldamdyq saǵatyna 80 shaqyrymnan 60 shaqyrymǵa tómendetilgen bolatyn.
Alaıda, qoǵam ókilderiniń ótinishine baılanysty ákimdik jyldamdyq rejımin 80 shaqyrymǵa qaıta ózgertti.
