Ál-Farabı dańǵylyndaǵy jyldamdyq rejımi qalpyna keltirilgen soń ne ózgerdi ?
ALMATY. QazAqparat – Almatyda Ál-Farabı, Shyǵys aınalma joly, Saın kóshelerinde saǵatyna 80 shaqyrym jyldamdyq rejımi qaıtarylǵan soń jol ahýalynda ne ózgeris bolǵanyn qalalyq Polıtsııa departamentiniń basshysy Qanat Taımerdenov aıtty, dep habarlaıdy QazAqparat tilshisi.
«Osy ýchaskelerde jyldamdyq rejımi qaıta qalpyna kelgen soń joldaǵy kólikterdiń qozǵalysy jeńildedi. Alaıda jol apaty azaıdy dep aıta almaımyz. Dańǵyldyń boıynda «Sergek» kameralaryn ornattyq. Jyldamdyq saǵatyna 80 shaqyrym bolatyn Ál-Farabı dańǵylynda, Shyǵys aınalma jolynda jol erejesin buzý áreketterin kameralar arqyly baqylap otyrmyz», - dedi PD basshysy.
Onyń aıtýynsha, búginde qalada «Sergek» kameralarynyń 404 posty ornatylǵan. Jyl sońyna deıin Tóle bı, Abaı, Ál-farabı dańǵyldarynda taǵy 362 kamera ornatý kózdelgen.
Aıta ketý kerek, Ál-Farabı dańǵylynda, Shyǵys aınalma joly, Saın kóshelerinde 2019 jyldyń 15 qańtarynda jol apaty sanyn azaıtý maqsatynda jyldamdyq saǵatyna 80 shaqyrymnan 60 shaqyrymǵa tómendetilgen bolatyn.
Alaıda, qoǵam ókilderiniń ótinishine baılanysty ákimdik jyldamdyq rejımin 80 shaqyrymǵa qaıta ózgertti.
