Ál-Farabı dańǵylynda jyldamdyqtyń azaıtylǵany zańǵa qaıshy emes - Almaty soty
ALMATY. QazAqparat - Almaty turǵyny Ámir Begdesenov qala bıliginiń magıstraldy kóshelerdegi jyldamdyqty túsirý týraly sheshimin sotqa bergen bolatyn.
Onyń oıynsha, bul sheshim júrgizýshilerdiń quqyǵyn shekteıdi.
Búgin atalǵan iske baılanysty sot úkimi shyqty.
Bostandyq aýdandyq soty Almaty turǵynynyń sheshimdi zańsyz dep tabý týraly aryzyn qanaǵattandyrmady.
«Ámir Begdesenovtyń aryzy qanaǵattandyrýsyz qalsyn», - dedi sýdıa Aıgúl Abaıdildınova.
Alaıda, sot sheshimi zańdy kúshine engen joq.
«Qazaqstan Respýblıkasynyń eń qundy baılyǵy - adamdary, onyń quqyqtary men bostandyǵy. «QR Jol qozǵalysy týraly» Zańynyń 3 babyna sáıkes jol qozǵalysynyń basty qaǵıdaty - adamdardyń qaýipsizdigi men memlekettiń jaýapkershiligi bolyp tabylady. Aryzdanýshy azamat bul sheshimniń júrgizýshilerge yńǵaısyzdyq týǵyzatynyn aıtty. Alaıda, birinshi orynǵa onyń quqyǵynan buryn jol qozǵalysynyń qaýipsizdigi shyǵyp otyr», - dedi sot.
Aıta ketý kerek, 15 qańtardan bastap Almatydaǵy úsh kóshede shekti jyldamdyq 60 km/s deıin tómendetilgen bolatyn. Ál-Farabı, Saın, Shyǵys aınalma jolyndaǵy jyldamdyq rejimin saqtamaǵandarǵa eskertý jasaldy.
Osyǵan deıin Almatyda qandaı avtobýstardyń baǵyty ózgeretindigin jazǵan bolatynbyz.
