Ál-Farabı atyndaǵy QUÝ prorektory laýazymynan ýaqytsha shettetildi
ASTANA. 20 qyrkúıek. QazAqparat - «Mınıstrdiń mindetin atqarýshy M.K. Orynhanovtyń 2012 jylǵy 19 qyrkúıektegi №151-NS buıryǵymen, Qazaqstan Respýblıkasy Eńbek kodeksi 50-babynyń 1,4-tarmaqtaryna sáıkes,
Evgenıı Alekseevıch An jumystan shettetýge negiz bolǵan sebeptiń anyqtalýy jáne (nemese) joıylýyna deıingi merzimge, «Ál-Farabı atyndaǵy Qazaq ulttyq ýnıversıteti» respýblıkalyq memlekettik kásipornynyń ekonomıkalyq jáne óndiristik máseleler jónindegi prorektory laýazymy mindetin oryndaýdan ýaqytsha shettetildi»,-delingen QR Bilim jáne ǵylym mınıstrliginiń saıtynda.
Oǵan Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Almaty qalasy boıynsha departamentiniń 2012 jylǵy 3 qyrkúıektegi qylmystyq is qozǵaý jáne óz óndirisine qabyldaý týraly qaýlysy negiz bolǵan.
