Ál-Farabı atyndaǵy QazUÝ talapkerler men magıstranttar úshin oqý aqysynda jeńildik pen tómendetýdiń keńeıtilgen jańa júıesin engizdi - Gúlnár Balaqaeva
MATY. 24 tamyz. QazAqparat /Erlik Erjanuly/ - Ál-Farabı atyndaǵy Qazaq ulttyq ýnıversıtetinde jańa oqý jylynda aqyly bólimdegi úzdik oqıtyndarǵa - 20 paıyz, al úlgerimi jaqsy stýdentterge 15 paıyz jeńildik beriledi. Bul búgin Almatydaǵy joǵary oqý ornynyń professor-oqytýshylar quramynyń dástúrli tamyz keńesinde aıtyldy.
«Oqý orny basshylyǵy talapkerler men magıstranttar úshin aqyly bólimdegiler úshin oqý aqysynda jeńildik pen tómendetýdiń keńeıtilgen jańa júıesin engizdi. Az qamtamasyz etilgen talapkerlerge magıstratýraǵa aqyly bólimge túserde úzdik dıplomy barlarǵa birden 20 paıyz jeńildik beriledi", - deıdi ál-Farabı atyndaǵy Qazaq ulttyq ýnıversıtetiniń oqý jumysy jónindegi prorektory Gúlnár Balaqaeva. Onyń aıtýynsha, búkil oqý kezeńine birden aqy tólegen jaǵdaıda qosymsha 5-10 paıyz jeńildik jasalady. Sondaı-aq jetim jáne múgedek balalar men ata-anasyz múgedekterge oqý aqysyn tóleýde 25 paıyz jeńildik qarastyrylǵan.
