Ál-Farabı atyndaǵy QazUÝ «Smart City» boıynsha qosdıplomdy mamandar daıarlaıdy
Jetekshi qazaqstandyq ýnıversıtet «Smart City» joǵary oqý oryndarynyń halyqaralyq konsortsıýmynyń múshesi bola otyryp, Eýropalyq odaqtyń joǵary oqý oryndarymen birlese «ERASMUS+» jobasy boıynsha «Aqyldy qalaǵa arnalǵan aqparattyq tehnologııalar» mamandyǵy boıynsha magıstrlik baǵdarlamany ázirleýge kiristi.
Baǵdarlamaǵa biriktirilgen oqý-ádistemelik keshen, daıyndyq sapasyn basqarý júıesi, oqytýshylardyń biliktiligin arttyrý, «Smart University» modeliniń eýropalyq seriktes joǵary oqý oryndarynyń tusaýkeserin ótkizý, sondaı-aq akademııalyq utqyrlyq boıynsha Eýropanyń úzdik ýnıversıtetterinde oqytý kiredi. Joba aıasynda QazUÝ-da aqyldy qalalar tehnologııalarynyń ǵylymı-bilim berý ortalyǵy ashylady.
Aıta keteıik, búginde QazUÝ-da uly fılosof ál-Farabıdiń rýhanı-adamgershilik jáne tehnologııalyq platformalardyń qaıyrymdy qoǵam jáne sımbıoz týraly ilimine negizdelgen «Al-Farabi University Smart City» ǵylymı-ınnovatsııalyq jobasy tabysty júzege asyrylýda. Joba «Ýnıversıtet 4.0» jańa býyn ýnıversıtetiniń modelin qalyptastyrýdyń quramdas bóligi bolyp tabylady. Mundaı ýnıversıtetter progressıvti tehnologııalyq damýdyń, sondaı-aq adamzattyń áleýmettik jáne mádenı ózgeristeriniń draıverleri. Bul modelge halyqaralyq deńgeıde keń akademııalyq qoǵam qoldaý kórsetip, BUU-da usynyldy.
Atap ótken jón, QazUÝ 30-dan astam qoldanystaǵy «Erasmus+ halyqaralyq baǵdarlamasyna qatysady, birneshe ret «Erasmus Mundus» jobalarynyń ulttyq úılestirýshisi boldy jáne júzege asyrylyp jatqan jobalar sany boıynsha qazaqstandyq ýnıversıtetter arasynda kóshbasshylyqqa ıe.