Ál-Farabı atyndaǵy QazUÝ ońtústik koreıalyq áriptesterimen telemedıtsınany damytýda
ASTANA. QazAqparat - Ál-Farabı atyndaǵy QazUÝ men Ense ýnıversıtetiniń (Ońtústik Koreıa) «Kangnam Severans» klınıkasy birlese otyryp, qazaqstandyq joǵary oqý ornynda alǵash ret jańa oqý jylynan bastap jumys jasaıtyn dıagnostıkalyq ortalyqtyń mańyzdy quramdas bóligi - «U-Health» telemedıtsına júıesin onlaın synaqtan ótkizdi, dep habarlady ýııversıtettiń baspasóz qyzmeti.
Bul dıagnostıkalyq ortalyq kampýs aımaǵyndaǵy jańadan ashylǵan «Keremet» stýdentterge qyzmet kórsetý ortalyǵynda ornalasady.
«U-Health» telemedıtsına júıesi emdelýshini dıagnostıkadan ótkizip, onyń málimetterin telekommýnıkatsııalyq jabdyqtar arqyly «Kangnam Severans» klınıkasynyń mamandaryna jiberip, onlaın tártibinde keńes alýǵa múmkindik beredi.
«Kangnam Severans» klınıkasynyń bas dırektory professor Kım Heng Djýnnyń aıtýynsha, «U-Health» júıesin engizý jáne dıagnostıkalyq ortalyqty ashý Ál-Farabı atyndaǵy QazUÝ-daǵy medıtsına-bıologııa klasterin qurý jobasynyń alǵashqy qadamy bolmaq. Búgingi kúnde ortalyqtyń eki mamany «Kangnam Severans» klınıkasynda arnaıy baǵdarlama boıynsha oqýdan sátti ótti.
Medıtsına-bıologııalyq klaster jobasy 500 orynǵa arnalǵan zamanaýı klınıkany, ǵylymı-zertteý zerthanasyn, sondaı-aq, barlyq qajetti ınfraqurylymdy qamtıdy.
