Ál-Farabı atyndaǵy QazUÝ-niń sport klýby 60 jyldyǵyn atap ótti

18 qazanda bastalǵan spartakıadanyń marapattaý rásimi demalys kúnderi bolyp ótti. Onda oqý ornynyń sportshylary gımnastıka, karate-do, taekvondo, kıkboksıng, taıboks sporttyq túrleri boıynsha ónerlerin kórsetti, marapattaý rásimi stýdentterdiń arnaıy daıyndaǵan kontserttik baǵdarlamalarymen aıaqtaldy.

Uıymdastyrýshylardyń aıtýynsha, bul jyl saıyn ótkiziletin dástúrli shara. Dene shynyqtyrý kafedrasynyń uıymdastyrýymen 1948 jyldan beri ótkizilip keledi. Qazaqstan JOO-lary arasynda QazUÝ birinshi bolyp 1950 jyly sporttyq klýb qurǵan. Búginde munda sporttyń 14 túri boıynsha sektsııalar jumys isteıdi.

Bıyl atalmysh oqý ornynyń 150 stýdenti men muǵalimi mereıtoıǵa oraı Іle Alataýynyń Komsomol shyńyna shyqqan. 1951 jyly bul shyńdardyń birine QazUÝ-diń aty berilgen bolatyn.

Ýnıversıtet qabyrǵasynda elimizdi Azııa, Eýropa, Álem chempıonattarynda jáne Olımpıada oıyndarynda tanymal etken ataqty sportshylar daıyndaldy.

Atap aıtqanda, basketboldan eki dúrkin Olımpıada chempıony Nadejda Olhova, Everest shyńyn baǵyndyrǵan sport sheberleri ıÝrıı Golodov pen Vladımır Pevtsov, sýǵa júzýden Eýropa chempıony Vladımır Shestopolov, velosport boıynsha Eýropa chempıony Vıtalıı Tolkachev, dzıýdo kúresi boıynsha birneshe dúrkin Álem chempıony Abzal Erǵojaev, boksten Olımpıada chempıony Ermahan Ibraımov, bokstan eki dúrkin Álem chempıony, Olımpıada oıyndarynyń kúmis júldegeri Bolat Jumadilov, shahmattan halyqaralyq grossmeısterler Evgenıı Vladımırov pen Bolat Asanov jáne taǵy da basqa sportshylar.

Búginde ýnıversıtet dástúri jalǵasyn taýyp keledi. 2008 jyly Pekın qalasynda ótken Olımpıada oıyndaryna oqý ornynan 8 sportshy qatysqan bolatyn. Dzıýdo sporty boıynsha sol jarystan Ashat Jıtkeev kúmis júldemen oraldy. 2009 jyly Belgrad qalasynda bıologııa fakýltetiniń stýdenti Ekaterına Evseeva jeńil atletıkadan kúmis júldeniń ıegeri atansa, zań faýltetiniń magıstranty Isanova Gúljan dzıýdodan qola júldeniń ıegeri atanǵan bolatyn.