Ál-Farabı atyndaǵy QazUÝ magıstranttary QR Prezıdenti atyndaǵy stıpendııa ıegeri atandy
MATY. 30 qyrkúıek. QazAqparat /Erbol Azanbek/ - Búgin Aqordada Elbasy N.Nazarbaev Prezıdenttik stıpendııamen jáne tósbelgilermen marapattaǵan respýblıkamyzdaǵy eń úzdik on magıstranttyń arasynda Ál-Farabı atyndaǵy QazUÝ-dyń qos stýdenti bar.
Olardyń biri Dılıara Kopytına - bıologııa jáne bıotehnologııa fakýltetiniń «Bıotehnologııa» mamandyǵynyń, al Dıana Búrlibaeva - geografııa jáne tabıǵatty paıdalaný fakýlteti «Gıdrometeorologııa» mamandyǵynyń magıstranty. Dılıara 2008 jyldan bastap Bıologııa jáne bıotehnologııa ınstıtýtynyń negizgi ǵylymı jobalaryna qatysyp, jumys isteýde. Bıologııa boıynsha respýblıkalyq ǵylymı olımpıadasynyń 2009 jyldyń júldegeri. 2010 jyldan bastap bıologııa jáne bıotehnologııa fakýltetiniń bıotehnologııa kafedrasynyń magıstranty. Ǵylymı jumysy mańyzdy jemis-jıdek daqyldarynyń vırýstarynan týyndaıtyn problemalardy zertteý men joıýǵa arnalǵan. Qazirgi kezde júzim vırýstarynyń qazaqstandyq test-júıelerin shyǵarý jumysymen aınalysady.
Ekinshi stıpendıat - Dıana Búrlibaeva, bakalavrıatta oqyp júrgende Almaty qalasynyń sý tutyný men sýdy paıdalaný máselelerin zerttep, sol jumysy úshin QR Bilim jáne ǵylym mınıstrliginiń 1-shi dárejedegi dıplomymen marapattalǵan. Dıplomdyq jumysy Ertis, Esil, Tobyl ózenderiniń gıdrohımııalyq ózgerýin zertteýge arnalǵan. Qazirgi tańda geografııa jáne tabıǵatty paıdalaný fakýltetiniń magıstratýrasynda oqyp júrip, zertteý obektisi retinde Qazaqstannyń barlyq negizgi ózenderin alyp, osy ǵylymı jumysyn jalǵastyrýda. 2008 jyldan bastap QR BjǴM Geografııa ınstıtýtynyń ǵylymı jobalaryna qatysýshysy.
Eske sala keteıik, Elbasy stependııasyn ıelengen 10 magıstrant 7000 úmitkerdiń arasynan tańdalǵan. Qazirgi kezde QazUÝ-dyń 14 fakýltetinde 19 myńnan asa stýdent bilim alýda. Prezıdent qoıǵan talap negizinde álemdik top-ýnıversıtetter qataryna kirý maqsatynda búginde oqý ornynda ulttyq zertteý ýnıversıtetine aınalý jumystary jasalyp jatyr. Bıyl QazUÝ Quacquarelli Symonds (QS, Ulybrıtanııa) agenttiginiń zertteýlerine sáıkes, dúnıe júzi deńgeıindegi ýnıversıtetter kórsetkishi boıynsha álemdik top-ýnıversıtetter reıtınginde 200 orynǵa joǵarylap, 401-450 dárejege endi. Bul rette QazUÝ álemdik úzdik ýnıversıtetterdiń ortańǵy bóligine jaqyndaǵan Ortalyq Azııadaǵy tuńǵysh ýnıversıtet bolyp tabylady.
