Ál-Farabı atyndaǵy QazUÝ ındýstrııalandyrý baǵdarlamasyna mamandar daıyndaýdy bastady - Ǵ. Mutanov
Bul týraly búgin QR Bilim jáne ǵylym mınıstrliginiń alqa otyrysynda ýnıversıtet rektory Ǵalymqaıyr Mutanov málim etti.
"2015 jyly Ál-Farabı atyndaǵy QazUÝ ındýstrııalandyrý baǵdarlamasynyń ekinshi kezeńine kelesideı mamandar daıyndaýdy bastady: ındýstrııadaǵy aqparattyq-kommýnıkatsııalyq texnologııalar men ónerkásiptik xımııa. Ýnıversıtette túlekter men oqytýshylardy qosymsha kásiptik bilim berý baǵdarlamalary boıynsha sertıfıkattaý júrgizilýde", - dep atap ótti Ǵ. Mutanov.
Onyń aıtýynsha, ýnıversıtet qazirgi zamanǵy ǵylymı-ınnovatsııalyq ınfraqurylymǵa ıe iri zııatkerlik korporatsııasyna aınalyp otyr.
"Ýnıversıtette sheteldik JOO-rymen birge ǵylymı zertxanalar ashylýda. Sonymen qatar bizdiń ýnıversıtet sheteldik ǵylym mekemelerinde Ál-Farabı ortalyqtaryn qurýda. Joǵary oqý ornynyń birqatar baǵdarlamalaryna eýropalyq sapa belgileri berildi. "Ǵylym Ordasy" atty 10 ǵylymı-zertteý ınstıtýttarymen birge ǵylym men bilimniń yqpaldastyǵy arttyrylýda. Áriptestik aıasynda ǵylymı-pedagogıkalyq mamandyqtar boıynsha magıstranttar men doktoranttar daıyndalyp jatyr. Sondaı-aq ýnıversıtette aǵylshynsha oqytylatyn toptar sany eki esege ósken", - deıdi ol.