Ál-Farabı atyndaǵy QazUÝ-ǵa búgingi tańda bilim berýdiń 3 satysy boıynsha 4001 adam grantpen oqýǵa qabyldandy - Gúlnár Balaqaeva
MATY. 24 tamyz. QazAqparat /Erlik Erjanuly/ - Ál-Farabı atyndaǵy Qazaq ulttyq ýnıversıtetinde jańa oqý jylynda jańadan 13 mamandyq ashyldy. Bul búgin Almatyda oqý ornynyń professor-oqytýshylar quramynyń dástúrli tamyz keńesinde aıtyldy.
«Jańa oqý jyly bakalavrıatta - 3, magıstratýrada - 4, doktorantýrada - 6 mamandyq ashyldy. Atap aıtqanda, bakalavrıatta - dızaın, esepteý tehnıkasy jáne baǵdarlamalyq qamtamasyz etý, logıstıka. Magıstratýrada - esepteý tehnıkasy jáne baǵdarlamalyq qamtamasyz etý, áleýmettik pedagogıka jáne ózin-ózi taný, munaıhımııasy, geoekologııa jáne tabıǵatty padalanýdy basqarý. Doktorantýrada - qarjy, esepteý tehgnıkasy jáne baǵdarlamalyq qamtamasyz etý, ınformatıka, esepteý tehnıkasy jáne basqarý, pedagogıka jáne psıhologııa, týrızm, logıstıka. Sondaı-aq jańadan taǵy 17 mamandyqty ashýǵa qujattar berildi», - deıdi ál-Frabı atyndaǵy Qazaq ulttyq ýnıversıtetiniń oqý jumysy jónindegi prorektory Gúlnár Balaqaeva.
Onyń aıtýynsha, jańa oqý jylynda ýnıversıtet negizgi basymdyqqa saı kelmeıtin birqatar pedagogıkalyq oqý oryndary mamandandyqtary boıynsha talapkerler qabyldaýdan bas tartqan. Qazir zertteý ýnıversıtetine qaraı baǵyttalǵan olarǵa bıylǵy jyly talapkerlerdi qabyldaý sapasy aıtarlyqtaı ósip otyr. Tamyzdyń 23-i kúngi málimet boıynsha bilim berýdiń 3 satysy boıynsha bakalavrıat, magıstratýra jáne PhD doktorantýraǵa 4001 adam bilim berý grantymen oqýǵa qabyldanǵan. Budan bólek 871 Altyn belgi ıegerleri, halyqaralyq, respýblıkalyq jáne ál-Farabı olımpıadalarynyń jeńimpazdary bar. Al aqyly bólimge qabyldanýdaǵy eń tómengi ball tarıh jáne geografııadan basqa fakýltetterde 70 balldy qurap otyr.
