Ál-Farabı atyndaǵy QazUÝ-de «TMD jáne Baltyq elderiniń orys tili jáne mádenıeti festıvali» ótýde
ALMATY. Sáýirdiń 12-si. QazAqparat /Ádilet Musahaev/ - Festıval stýdentterdiń Reseı mádenıeti men orys tiline arnalǵan saýaldaryna jaýap berý, án aıtý jáne uly aqyndardyń óleńderin mánerlep oqý baıqaýlary boıynsha ótýde,
dep habarlaıdy QazAqparat.
Atalmysh sharany Reseı Federatsııasynyń bilim berý jónindegi federaldy agenttigi, M.V. Lomonosov atyndaǵy MMÝ-dyń halyqaralyq bilim berý ortalyǵy men QazUÝ-dyń sheteldik azamattarǵa arnalǵan daıyndyq jáne fılologııa fakýltetteri uıymdastyryp otyr
«Bul - dástúrli túrde jyl saıyn ótip otyratyn festıval. 2008 jyly Mınskide, Bishkekte, Bakýde ótse, 2009 jyly Rıga qalasynda, Armenııada, Dýshanbe, Tashkent qalalarynda ótken bolatyn. Sharanyń maqsaty - ýnıversıtetimizde shet elden kelgen jáne jergilikti oryssha bilim alyp jatqan stýdentterdiń sol tildi qanshalyqty meńgergenin aıqyndaý», deıdi QazUÝ-diń fılologııa fakýltetiniń dekany Qanseıit Ábdezuly.
Festıvalǵa M.V. Lomonosov atyndaǵy MMÝ-dyń halyqaralyq bilim berý ortalyǵynyń professorlary men oqytýshylary qatysýda. Jyl saıyn MMÝ fakýltetinde dúnıe júzi memleketterinen kelgen 1000-nan astam adam orys tilin úırenýde. Sondaı-aq onda álemniń jetekshi ýnıversıtetteri jáne bilim berý ortalyqtarymen «Orys tili» maqsatty federaldy baǵdarlamasy negizinde baılanys ornatylǵan.
Sonymen qatar erteń osy joǵarǵy oqý ornynda MMÝ-dyń halyqaralyq bilim berý ortalyǵy qazaqstandyq mamandarǵa arnalǵan «Orys tilin shet tili retinde oqytýdyń ózekti aspektileri» atty semınaryn ótkizbek. Semınarda qazirgi ýaqyttaǵy orys tiliniń jaǵdaıy, «Orys tili TOFL», Reseı memlekettik test júıesiniń eýropalyq standarttarǵa saı bolýy t.b. máseleler talqylanbaq. Jıyn dóńgelek ústelmen aıaqtalady dep kútilýde.
