Ál-Farabı atyndaǵy QazUÝ-de «Barmanqulov oqýlary» aıasynda respýblıkalyq ǵylymı-praktıkalyq konferentsııa ótedi
STANA. 20 qyrkúıek. QazAqparat - Ál-Farabı atyndaǵy Qazaq ulttyq ýnıversıteti jýrnalıstıka fakýlteti 23 qarasha 2012 jyly kórnekti ǵalym, kósemsózshi, túrkitanýshy Marat Káribaıuly Barmanqulovtyń 75-jyldyq mereıtoıyna arnalǵan
M. Barmanqulov oqýlary aıasynda «M. Barmanqulov - buqaralyq kommýnıkatsııa ǵylymynyń negizin qalaýshy» atty taqyrypta respýblıkalyq ǵylymı-praktıkalyq konferentsııa ótkizedi.
Bul týraly joǵary oqý ornynyń uıymdastyrý komıtetinen habarlady.
Barmanqulov oqýlary aıasynda M.Barmanqulov atyndaǵy QazUÝ teleradıokesheni uıymdastyrýymen ótken ІІ respýblıkalyq jas teleradıojýrnalısterdiń baıqaýy jeńimpazdaryn marapattaý rásimi ótedi.
Bıyl otandyq teleradıojýrnalıstıkanyń negizin qalaǵan, kósemsózshi, túrkitanýshy ǵalym Marat Káribaıuly Barmanqulov 75 jasqa tolyp otyr. Kórnekti ǵalym búginde respýblıkalyq buqaralyq aqparat quraldarynda jumys istep júrgen jýrnalısterdiń birneshe býyn ókilderin tárbıelegen ulaǵatty ustaz. Professor-ǵalym alǵash ret Qazaqstanda Ǵalamtor álemine esik ashty, buqaralyq medıanyń bolashaǵy ǵalamdyq keńistikte ekenin atap ketti. Marat Barmanqulov - qazaq jýrnalıstıkasy men fılologııasy, túrkitaný ǵylymynyń ózekti máselelerine arnalǵan eńbekterdiń avtory.
Ǵylymı jıynda Qazaqstanda aqparattyq qoǵam negizderin qalyptastyrý, jańa medıanyń ulttyq jáne jahandyq aqparattyq keńistiktegi ornyn aıqyndaý, sandyq habar taratý máselelerin, aqparattyq tehnologııalardyń damýyn baǵalaý, osy úderisterdiń qoǵamnyń órkenıetti damýyna yqpal etýi talqylanady.
Respýblıkalyq konferentsııa jumysyna buqaralyq kommýnıkatsııa salasyn zertteýshi ǵalymdar, qazaqstandyq BAQ ókilderi qatysady.
