Ál-Farabı atyndaǵy QazUÝ-da jańa oqý jyly «Kóshbasshylar dárisimen» bastalady
ALMATY. Tamyzdyń 30-y. QazAqparat /Erbol Azanbek/ -Qyrkúıektiń 1-indegi jańa oqý jyly elimizdiń bas oqý orny Ál-Farabı atyndaǵy QazUÝ-da «Kóshbasshylar dárisimen» bastalady, dep habarlaıdy oqý ornynynyń baspasóz qyzmeti.
Basty dáristi Stýdentter saraıynda oqý ornynyń rektory Baqytjan Jumaǵulov oqıdy. Dáriske 750 «Altyn belgi» ıegeri, 150-den astam halyqaralyq olımpıada men konkýrstardyń jeńimpazdary, 1000-ǵa jýyq memlekettik grant ıegerleri, 90 rektor grantynyń ıegeri, ustazdar men stýdentter qatysady.
Sondaı-aq ár fakýltette akademıkter Salyq Zımanov, Ómirzaq Aıtbaev, Karl Baıpaqov, shyǵystanýshy ǵalym, qoǵam qaıratkeri Murat Áýezov, QR SІM-i erekshe tapsyrmalar jónindegi elshisi Vıacheslav Gızatov, «Qazatomónerkásip» AQ prezıdenti Vladımır Shkolnık, «Aıqyn» gazetiniń bas redaktory Nurtóre Júsip, «Halyq banki» AQ dırektorlar keńesiniń tóraǵasy Aleksandr Pavlov, «Astana motors» kompanııasynyń prezıdenti Nurlan Smaǵulov, «Qazaqtelekom» AQ basqarma tóraǵasy Qýanyshbek Esekeev óz tájirıbesi, bilim týraly, basqarý qyzmeti týraly arnaıy dáris oqıdy. Sondaı-aq stýdentterdiń suraqtaryna jaýap berip, qundy keńester aıtpaq.
