Ál-Farabı atyndaǵy QazUÝ-da Erasmýs Mýndýs akademııalyq mobıldilik jobasy talqylanady
ASTANA. QazAqparat - 25-27 naýryzda ál-Farabı atyndaǵy Qazaq ulttyq ýnıversıtetinde Erasmýs Mýndýs akademııalyq mobıldilik jobasynyń «SILKROUTE - SILKRoad Universities Towards Europe» konsortsıýmy músheleriniń І Aımaqtyq konferentsııasy ótkiziledi. Bul týraly ýnıversıtettiń baspasóz qyzmetinen habarlady.
«Aımaqtyq konferentsııanyń jumysy seriktes joǵary oqý oryndary arasynda barlyq deńgeıde bilim alýshy stýdentter (bakalavr, magıstr), doktoranttar, zertteýshi ǵalymdar, oqytýshy jáne ákimshilik kadrlardyń akademııalyq mobıldiligin qoldaý arqyly júıeli yntymaqtastyqty nyǵaıtý máselelerin talqylaýǵa baǵyttalady», - delingen habarlamada.
Bul konsortsıým Italııa, Avstrııa, Ispanııa, Rýmynııa, Horvatııa memleketterinen turatyn eýropalyq seriktes-ýnıversıtetterin jáne Qazaqstan, Qyrǵyzstan, Tájikstan jáne Ózbekstan elderinen turatyn Ortaazııalyq seriktes joǵary oqý oryndaryn biriktiredi.
Jobany úılestirýshi - Padova ýnıversıteti (Italııa). Ál-Farabı atyndaǵy QazUÝ jobanyń Ortalyq Azııadaǵy qosymsha úılestirýshisi bolyp tabylady.
Sonymen birge kezdesý barysynda atalǵan baǵdarlama aıasynda halyqaralyq mobıldilikke qatysýǵa úmitkerlerdi irikteý boıynsha komıssııanyń jumys kezdesýi ótkiziledi dep josparlanýda.
