Ál-Farabı atyndaǵy QazUÝ-da 90 talapkerge rektorlyq grant tabys etildi
ALMATY. Tamyzdyń 26-sy. QazAqparat /Erbol Turymbetov/ - Búgin Almatyda Ál-Farabı atyndaǵy QazUÝ-da halyqaralyq jáne respýblıkalyq baıqaýlar, olımpıada, ǵylymı joba jeńimpazdary men «Altyn belgi» ıegerlerine rektorlyq grant tabystaldy,
dep habarlaıdy QazAqparat.
QazUÝ bıylǵy talapkerlerdi qabyldaý naýqany boıynsha 3200 memlekettik bilim granttaryn qabyldap, respýblıka boıynsha kóshbasshy atandy. Al rektorlyq granttar sany 90-ǵa jetip, byltyrǵy jylmen salystyrǵanda 3,5 esege kóbeıgen.
«Bul stýdentterdiń oqýyna jyl saıyn ýnıversıtet qorynan 67 mıllıon teńge bólinip otyrady. Bıyl memleket grantyn jeńip alǵandar 3200 bolsa, onyń ishinde 750-i «Altyn belgi» ıegerleri. Bul ýnıversıtet tarıhynda bolmaǵan oqıǵa. 60 %-dan astamy ár túrli olımpıadalar men konkýrstardyń jeńimpazdary. Bul stýdentter ıntellektýaldyq deńgeıleriniń joǵarylyǵyn kórsetýmen qatar, elimizdiń bolashaq ıntellektýaldy ultyn qalyptastyrady», dedi QazUÝ rektory Baqytjan Jumaǵulov. Onyń aıtýynsha, QazUÝ stýdentterdi qabyldaýda jańa jobamen jumys isteýde. Elimizdiń 14 oblysynda «Ál-Farabı» pándik olımpıadasy ótkizilgen. Sol arqyly UBT-dan joǵary ball jınap, biraq grantqa jete almaı qalǵan talapkerlerge qosymsha múmkindik usynǵan.
