Ál-Farabı atyndaǵy QazUÝ býhgalterleriniń alaıaqtyǵy JOO bedeline nuqsan keltirmeýi tıis - QR BǴM
ASTANA. QazAqparat - QR Bilim jáne ǵylym vıtse-mınıstri Takır Balyqbaev ál-Farabı atyndaǵy Qazaq Ulttyq ýnıversıtetinde oryn alǵan aqsha jymqyrý oqıǵasy jaıly óz pikirin bildirdi.
«Bul óziniń qyzmettik jaǵdaıyn paıdalanyp, zańsyz aqshany ıemdengen jekelegen tulǵalarǵa qatysty. QazUÝ óziniń ǵylymı áleýeti men oqytýshylyq quramy, halyqaralyq baılanystary boıynsha reıtıng baǵalaýynda eldegi úzdik JOO-lardyń biri ekenin aıta ketkim keledi. Sondyqtan bul oqıǵa JOO bedeline nuqsan keltirmeýi tıis», - dedi T. Balyqbaev Astanada ótken selektorlyq keńesten keıin jýrnalısterdiń suraqtaryna jaýap berý barysynda.
Eske salsaq, birneshe stýdent ál-Farabı atyndaǵy QazUÝ býhgalterleriniń alaıaqtyǵy týraly shaǵymmen polıtsııaǵa júgingen bolatyn. Osy qylmystyń saldarynan júzdegen túlek joǵary bilimin aıaqtaǵany týraly dıplom ala almaı qaldy.
Qazir býhgalterııanyń burynǵy mamandaryna qatysty qylmystyq is qozǵalyp, tergeý amaldary júrgizilýde. Sondaı-aq kúdikti 4 kýrs stýdenti Ásel Qydyrbaıǵa da qatysty sot aldy tergeý júrgizilýde.
