Ál-Farabı atyndaǵy QazUÝ álemdik úzdik top-ýnıversıtetter tizimine endi
ALMATY. 4 shilde. QazAqparat - Ulybrıtanııanyń QS Halyqaralyq reıtıngtik agenttigi 2011-2012 oqý jylynda jeke pánder boıynsha álemdik úzdik 200 top-ýnıversıtetterdiń tizimin jarııalady.
Olardyń arasyna burynǵy keńestik respýblıkalardan 2 joǵary oqý orny ǵana enip otyr. Bular - Ál-Farabı atyndaǵy Qazaq ulttyq ýnıversıteti men M. Lomonosov atyndaǵy Máskeý memlekettik ýnıversıteti.
QazUÝ-dyń baspasóz qyzmetiniń habarlaýynsha, byltyr bul reıtıngte Qazaqstandaǵy jetekshi ulttyq ýnıversıtet 700 joǵary oqý orny arasynda 402-oryn alǵan edi. Al aldyńǵy jyly 602-satyda turǵan bolatyn. Kósh basyndaǵylarmen aradaǵy araqashyqtyqty 2 jyldan beri turaqty túrde aıtarlyqtaı qysqartyp kele jatqan QazUÝ el Prezıdentiniń álemdik top-ýnıversıtetter reıtıngisine ený tapsyrmasyn laıyqty oryndaýda.
