Ál-Farabı atyndaǵy QazUÝ aqparattyq sheshimder óndirýshi kompanııadan 200 mln. teńgeniń baǵdarlamalyq keshenin syıǵa aldy
ALMATY. QazAqparat - Taýly-geologııalyq salaǵa arnalǵan aqparattyq sheshimder óndirisi boıynsha «Mıkromaın Ortalyq Azııa» kompanııasy Ál-Farabı atyndaǵy Qazaq ulttyq ýnıversıtetine 200 mln. teńgeniń lıtsenzııalyq baǵdarlamasyn syıǵa tartty.
Ulttyq ýnıversıtette geologııalyq barlaý kompanııasy basshylyǵymen bolǵan kezdesýde kartografııa jáne geoınformatıka kafedrasynyń meńgerýshisi Ǵaınıkamal Qasymhanova bul baǵdarlamalyq keshendi joǵary baǵalaı kele: «Elbasy Joldaýyn júzege asyrýǵa arnalǵan mańyzdy baǵyttardyń biri - elimizde geologııa ǵylymyn damytý. Osy turǵyda geologııa ǵylymynda ınnovatsııalyq baǵyttardy damytýǵa baǵyttalǵan sharalar ótkizip turý qajet. Búgingi bizge berilgen syı - Qazaq ulttyq ýnıversıtetine Elbasy qoıǵan keleli mindetterdi júzege asyrýda úlken demeý bolary sózsiz», - dedi.
Sonymen qatar kafedra meńgerýshisi bul aqparattyq keshenniń ulttyq ýnıversıtetke taýly-geologııa salasynda joǵary bilikti mamandar daıarlaýǵa jáne ǵylymı-ınnovatsııalyq jobalar ázirleýge septigi tıetindigin jetkizdi.
