Ál-Farabı atyndaǵy QazMUÝ-da esirtkige qarsy jastar aktsııasy ótti
ALMATY. Qyrkúıektiń 30-y. QazAqparat /Erbol Turymbetov/ - Ál-Farabı atyndaǵy QazMUÝ-da jastardyń «Jastar salaýatty ómir salty úshin» atty esirtkige qarsy sharasy bolyp ótti, dep habarlaıdy QazAqparat.
Shara «Almaty - temeki tútininen azat qala» atty qalalyq baǵdarlama sheńberinde uıymdastyrylyp otyr. Oǵan qaladaǵy qyzyǵýshylyq bildirgen jastar uıymdary qatysty. Sharanyń maqsaty jastardy jaǵymsyz áreketterden aýlaq bolýǵa shaqyrý jáne salaýatty ómir saltyn nasıhattaý bolyp tabylady.
Merekelik is-sharanyń jospary eki kezeńdi qamtydy. Birinshisinde qyzdar jáne erler stýdenttik komandalarynyń arasynda fýtboldan týrnır uıymdastyryldy. Sonymen qatar, jasóspirimder arasynda «Deni saý bolý - bul myqty!» atty sýret plakattarynyń baıqaýy boldy. Al ekinshi kezeńde «Jastar salaýatty ómir salty úshin» atty jastar sherýi boldy.
