Ál-Farabı atyndaǵy Qazaq ulttyq ýnıversıtetiniń ujymy Jańaózen men Shetpe beketinde bolǵan oqıǵalarǵa baılanysty úndeý joldady
ALMATY. 20 jeltoqsan. QazAqparat /Erlik Erjanuly/ - Biz Jańaózen qalasy men Shetpe beketinde bolǵan oqıǵalardy baǵalaý máselesinde qazaqstandyqtardy belsendi azamattyq ustanym tanytýǵa shaqyramyz,
delingen búgin Almatydaǵy ál-Farabı atyndaǵy Qazaq ulttyq ýnıversıteti ujymynyń qazaqstandyqtarǵa joldaǵan úndeýinde.
«Beıbitshilik, kelisim, birlik, ekonomıkalyq jáne áleýmettik turaqtylyq, ornyqty damý, halyqaralyq moıyndaý -osylardyń barlyǵy Qazaqstan halqynyń jalpy ıgiligine aınalǵan Táýelsizdiktiń basty jetistikteri. Ókinishke oraı, respýblıkanyń jeńisteri men erlikterine, bizdiń ortaq úıimizdiń tatýlyǵy men berekesine qyryn kózben qaraıtyn, Qazaqstannyń turaqsyzdyǵy men álsizdigin qalaıtyn qandaı da bir qoǵamǵa qarsy kúshter bar. Jańaózen qalasy men Shetpe beketinde bolǵan oqıǵalar qoǵamnyń tynyshtyǵyn buzýǵa baǵyttalǵan jáne uıymdastyrylǵan arandatýshylyq ekeni aqıqat. Biz ony ashyq qylmystyq is-áreket jáne jappaı júrgizilgen tártipsizdik dep baǵalaımyz. Barlyq qazaqstandyqtardy atalǵan oqıǵany baǵalaý máselesinde belsendi azamattyq ustanym tanytýǵa, Qazaqstannyń damý jolyndaǵy basty qundylyqtary - bostandyq, birlik, turaqtylyq pen órkenıetti saqtaýǵa shaqyramyz», - delingen úndeýde.
