Ál-Farabı atyndaǵy Qazaq ulttyq ýnıversıtetiniń professor-oqytýshylar quramynyń tamyz keńesi ótip jatyr
ALMATY. 24 tamyz. QazAqparat /Erlik Erjanuly/ - Jańa oqý jylyn jańa úlgide bastaımyz. Bul týraly Ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov oqý ornynyń professor-oqytýshylar quramynyń tamyz keńesinde aıtty.
«Bıyl Elbasy Qazaqstan halqyna arnalǵan dástúrli Joldaýynda áleýmettik jańǵyrýdy qoǵam aldyndaǵy úlken maqsat retinde qoıdy. Osy baǵytta ýnıversıtetterdiń róli erekshe. Óıtkeni biz qanshalyqty bilimdi, tolyqqandy básekege qabiletti mamandar daıyndaımyz, soǵan baılanysty qoǵamymyz damıdy. Qazir Ál-Farabı atyndaǵy ulttyq ýnıversıtetinde tolyq jańǵyrtý úderisi júrip jatyr. Búgingi tańda álemdik deńgeıge laıyq zertteý ýnıversıtetiniń úlgisin jasap boldyq dep aıtýǵa bolady», - deıdi Ǵalymqaıyr Mutanuly.
Onyń aıtýynsha, bul jıynda ýnıversıtet rektorynyń orynbasarlary oqytýshylardy joǵary oqý ornynyń 2011-2012 jyldarǵa arnalǵan bilim berý qyzmeti, ǵylymı jáne ınnovatsııalyq qyzmeti, tárbıelik jumystary aıasyndaǵy negizgi mindetterimen tanystyrmaq. Bul sharaǵa ýnıversıtettiń oqytýshy-professorlarynan bólek, mektep dırektorlary men qoǵamdyq uıymdardyń ókilderi qatysýda.
