Ál-Farabı atyndaǵy Qazaq ulttyq ýnıversıtetiniń fakýltetterinde endi 2-3 pán aǵylshyn tilinde oqytylatyn bolady - Muqambetqalı Búrkitbaev
ALMATY. 27 tamyz. QazAqparat /Erlik Erjanuly/ - Almatyda 22-27 tamyzda Ál-Farabı atyndaǵy Qazaq ulttyq ýnıversıtetinde shet tilin úıretýdiń mobıldik oqytýyn engizýge baılanysty halyqaralyq semınar ótti.
«Búginde aǵylshyn tilin tereń meńgerý qajet ekendigin tájirıbe kórsetip otyr. Elbasy 2020 jylǵa qaraı halyqtyń 20 paıyzy aǵylshyn tilin erkin meńgerýi kerek degen tapsyrma berdi. Bıyldan bastap Ál-Farabı atyndaǵy Qazaq ulttyq ýnıversıtetiniń ár fakýltetinde 2-3 pán aǵylshyn tilinde oqytylatyn bolady», - deıdi Ál-Farabı atyndaǵy Qazaq ulttyq ýnıversıtetiniń birinshi prorektory, professor Muqambetqalı Búrkitbaev. Onyń aıtýynsha, Ulttyq zertteý ýnıversıtetine aınalyp jatqan Ál-Farabı atyndaǵy Qazaq ulttyq ýnıversıtetinde endi aǵylshyn tilin oqý úderisi joǵary mańyzǵa ıe bolmaq. Básekege qabiletti bolý úshin halyqaralyq tildi meńgerý zaman talaby.
Bir aptaǵa sozylǵan bul semınarda «So To Speak AB» halyqaralyq kompanııasynyń dırektory, polıglot, aǵylshyn tilin oqytý ádistemesiniń, aýdıokýrstardyń jáne shet tilin oqytýdyń avtory Karl-Sverre Hofso men «Elektrondy oqytýdy damytý» QBQ Qamqorshylar keńesiniń tóraǵasy, mýltıplatformalar qurastyrýshysy, til kýrstaryn uıaly telefondarmen oqytýmen qamtamasyz etken Fýad Djazzar taqyryptyq dárister oqydy. Oǵan qatysýshylarǵa búgin Hofso ádisi boıynsha shet tilin úıretý oqýynan ótti degen arnaıy sertıfıkattar tabys etildi.
