Ál-Farabı atyndaǵy Qazaq ulttyq ýnıversıtetinde tóte jazý oqytylady

ASTANA. QazAqparat - Ál-Farabı atyndaǵy Qazaq ulttyq ýnıversıtetinde tóte jazý sabaqtary oqytyla bastady. Bul týraly atalǵan ýnıversıtettiń A.Baıtursynuly atyndaǵy qazaq til bilimi kafedrasy habarlady.

Bul shara A.Baıtursynulynyń 150 jyldyǵyna oraı uıymdastyrylýda.

«Ǵalymnyń óz ádisi boıynsha tóte jazýdy úıretý bastaldy. Sabaq juma saıyn saǵat 17:00-18:00 aralyǵynda fılologııa fakýltetiniń 301 – dárishanasynda ótedi»,-delingen habarlamada.

Ult ustazy A.Baıtursynuly arab jazýynyń qazaq tili úshin qolaıly emes jaqtaryn túzep, 1912 jyly ultymyzdyń ózine tán dybystyq erekshelikterin saqtaı otyryp, tóte jazýdy álipbıin jasap shyǵarǵan bolatyn. Bul jazý 1913- 1929 jyldary mektepterde oqytylyp keldi. Álipbıdi Qytaıdaǵy qazaqtar búginge deıin qoldanyp keledi.

Aıta keteıik, «QazAqparat» HAA sheteldegi qazaqtardy aqparattyq turǵyda qamtamasyz etý maqsatynda 2009 jyldyń qazan aıynan bastap tóte jazýmen aqparat taratyp keledi.

Sondaı-aq tóte jazýdy úırengisi keletin oqyrmandar úshin arnaıy tóte jazý úıretý sabaqtary daıyndalyp saıtqa ornalastyryldy.