Ál-Farabı atyndaǵy Qazaq ulttyq ýnıversıtetinde Rymǵalı Nurǵalı atyndaǵy dárishana ashyldy

Bul sharany fılologııa, ádebıettaný jáne álem tilderi fakýltetiniń qazaq ádebıeti jáne ádebıet teorııasy kafedrasy uıymdastyrdy. Kórnekti ǵalym, akademık Rymǵalı Nurǵalı joǵary oqý ornynda 35 jyl eńbek etip, myńdaǵan jas mamandardyń aldynda dáris oqydy. Ǵalymnyń esimi berilgen dárishanaǵa «Ómir belesteri, ustaz, ǵalym, qaıratker, ǵylymdaǵy bıiktik, el ardaqtysy» degen qabyrǵa kórmesi qoıylyp otyr.

«Biz bárimiz R. Nurǵalı shákirtimiz. Osy ýaqytqa deıin fakýltette Muhtar Áýezov atyndaǵy, Zeınolla Qabdolov atyndaǵy dárishanalar ashylǵan bolatyn. 50-ge jýyq ǵylym kandıdattary men 20-ǵa tarta ǵylym doktorlaryn daıyndap ketken ustazdyń amanatyn, ilim-bilimdi shákirtterge bersek, bilim jalǵastyǵy degen osy bolar», - deıdi fakýltet dekany Qanseıit Ábdezuly.