Ál-Farabı atyndaǵy Qazaq ulttyq ýnıversıtetinde «100 kitap» aptalyǵy ótedi
ALMATY. 21 sáýir. QazAqparat - Almatyda 23 sáýir men 3 mamyr aralyǵynda Ál-Farabı atyndaǵy Qazaq ulttyq ýnıversıtetinde 2012 jylǵy jalpyýnıversıtettik «100 kitap» aptalyǵy bolady.
Maqsat - ýnıversıtet rektory Ǵalym Mutanovtyń bastamasymen jáne barlyq oqytýshy-professorlar tarapynan qoldaý tapqan «QazUÝ stýdenti oqýǵa tıis 100 kitap» jobasy aıasynda stýdentterdiń kitapqa degen qushtarlyǵyn, qyzyǵýshylyǵyn oıatý, kórkem shyǵarmalardy oqýǵa daǵdylandyrý jáne ózindik talǵamdaryn qalyptastyrý.
Aptalyq barysynda barlyq fakýltetterde «100 kitap» kóshpeli kórmesi, jazýshy Beksultan Nurjekeev pen Qabdesh Jumadilov, aktrısa Zámzágúl Dosanovamen kezdesý ótedi Sáken Júnisovtiń «Amanaı men Zamanaı» romany boıynsha túsirilgen kınofılm kórsetiledi. Sondaı-aq ádebı keshter, dóńgelek ústel jıyndary, pikirtalastar men ádebı týyndylar boıynsha áleýmettik jelidegi beınerolıkter baıqaýy ótedi.
