Ál-Farabı atyndaǵy Qazaq ulttyq ýnıversıteti rýhanı baıytatyn jobany qolǵa aldy

Bul  suraqtardyń jaýaby údesinen shyǵý úshin Ál-Farabı atyndaǵy Qazaq ulttyq ýnıversıteti jastarǵa, qoǵamǵa oı salatyn joba jasady. Bul usynys «QazUÝ stýdenti oqýǵa tıis 100 kitap» dep atalady. Keshe Almatydaǵy atalmysh oqý ordasynda oqý ornynyń stýdentteri men oqytýshylary bas qosyp bul jobany talqyǵa saldy.  

 Jıynda QazUÝ rektory,  akademık Ǵalym Mutanov:  «Jastarǵa durys baǵyt-baǵdar berý negizgi mindetimiz.  Bul rýhanı, úlken joba. Adam ómir boıy oqýy kerek. Bizdiń maqsat - QazUÝ-ge oqýǵa kelgen jas stýdenttik tórt jylda júz kitapty oqyp shyǵýy azamattyq borysh ekendigin sezindirý. Ózge joǵary oqý oryndary stýdentterinen erekshelenetin basymdyǵy da osy bolmaq. Osylaısha, jastar arasynda kitap oqýdy sánge aınaldyrý qajet. Bul «QazUÝ stýdenti oqýǵa tıis júz kitap» jobasy osyndaı maqsatta qolǵa alynyp otyr.  Ár ýnıversıtet óz túlegimen maqtanatyndyǵyn eskersek, daıyndaǵan kadrlarymyz rýhanı dúnıemen sýsyndap shyqsa, myqty maman bolary sózsiz. Rýhy myqty bolsa, ár adamnyń mádenıeti de joǵary bolady. Adamnyń rýhanı baılyǵyna qarap qoǵam da baııdy. Biz bul joba arqyly bolashaqqa yqpal ete alamyz», - dep atap ótti. Onyń aıtýynsha,  100 kitap bul alǵashqy bastama. Aldaǵy ýaqytta bul kitaptardyń tizimi úzdiksiz jalǵasyp, tolyǵa bermek.

 Basqosýda professor Ómirhan Ábdimanov: «Bul bastama qajet nárse. Ádebıet qunarymen nár almaǵan bala, besiksiz ósken bala sııaqty. Abaı, Ahmet, Maǵjandardyń kesek-kesek dúnıelerin oqýǵa jastardy tartý oń nátıje beredi», - dese, professor Káken Hamzın: «Estetıkanyń barlyǵy - kórkem ádebıette. Barlyq ǵylym, barlyq pán sabaqtas. Stýdent oqýǵa tıis 100 kitap ıdeıasy kókeıge qonymdy. Bul gýmanıtarlyq saladaǵy jobalardyń basy dep esepteımin. Halyqty, ultty ósirý úshin mundaı jobalardy kún tártibinen túsirmeý kerek»,-degen oıyn bildirdi.

 Jazýshy Qul Kerim Elemestiń pikirinshe, kórkem ádebıetti oqýǵa stýdentteri mindetteý kerek. «Ádebıetke kelgen kez kelgen maman alǵa jyljıtynyn qoǵam dáleldep otyr», - dedi, al professor Anar Salqynbaı: «Kitap oqýdy stýdentterdiń rýhanı qajettiligine aınaldyrý kerek. Búginde dáris oqyp júrgen stýdentterden baıqaıtynym, olar óte jalyndy, bilýge umtylysy zor jastar. Al, búgingi joba arqyly qara shańyraq qoǵamǵa úlken rýhanı úndeý tastap otyr», - dep atap ótti.

 Talqy sońynda professor, ǵalym fılologııa, ádebıettaný jáne álem tilderi fakýltetiniń dekany Qanseıit Ábdezuly joba aıasynda Qazaqstannyń joǵary oqý oryndarynda bilim alyp jatqan jastarǵa úndeý jarııalady. Úndeýde: «...Ýnıversıtettiń osynaý bastamasyn Qazaqstannyń barlyq joǵary oqý oryndarynda bilim alyp jatqan stýdent jastar úlken yqylaspen qabyldap, jan-jaqsy qoldaý kórsetetinine senim artamyz. Rýhanı dińgegi myqty, el táýelsizdiginiń irgetasy onyń ulttyq ıdeologııasy bolyp sanalatyn memleketterdiń bolashaǵy árdaıym jarqyn jáne senimdi bolatyndyǵy belgili. Sondyqtan da rýhanııatymyzdyń qazirgi jahanjaný úderisinde jutylyp ketpeýi úshin, eń bastysy qazaq eliniń erteńgi bolashaǵy jarqyn, táýelsizdigimizdiń máńgi bolýy úshin biz búginnen bastap stýdent jastarymyzǵa qazaq ádebıetiniń úsh myń jyldyq tarıhynda dúnıege kelgen qadaý-qadaý kórkem shyǵarmalarymyzdy jáne álem ádebıetin mindetti túrde qolǵa alýdy qajet dep sanaımyz», - delingen.

 Qara shańyraq bastama tanytyp otyrǵan bul joba  oqý ornynyń  barlyq fakýltetterinde talqylanyp, oqýǵa tıis júz kórkem týyndy tizimi  ǵylymı keńeste bekitilgen.