Ál-Farabı atyndaǵy Qazaq ulttyq ýnıversıteti Naýryz meıramyn bir aı boıy toılamaq

Munda ár jataqhana men oqý korpýstary birigip, kıiz úı tigip, «Yrysty», «Meıirim», «Alataý», «Joltaı», «Tóle bı», «Samuryq», «Jastar» de atalatyn aýyldar qurýda.

«Búgingi tamasha aýa-raıynda Jańa jyldy qarsy alyp otyrmyz. Jańa jyl jaqsylyqqa toly bolsyn. Bárimiz aýyl aýyldy aralap, dám tatyp, dastarhandas bolyp, uly meıramdy birge qarsy alýdamyz. Bul mereke ýnıversıtette bir aı toılanady. Búgin - bastamasy. Ulystyń uly meıramynda sizderge amandyq, saýlyq, baq pen qýanysh tileımin», - deıdi elimizdegi jetekshi joǵary oqý ornynyń birinshi prorektory Muqambetqalı Búrkitbaev.

Qazirgi sátte «QazUÝ rekordtar klýby» stýdentter arasynda naýryz kóje men baýyrsaq jeýden, al jataqhanalar men fakýltet qyzmetkerleri dombyramen án shyrqap, top bolyp hor aıtyp, jarysýda. Sondaı-aq aıtys ótkizilip, arqan tartys, qazaqsha kúres sııaqty ulttyq oıyn túrleri boıynsha saıystar uıymdastyrylyp jatyr.