Ál-Farabı atyndaǵy Qazaq ulttyq ýnıversıteti áskerı kafedrasy kýrsanttarynyń ant qabyldaý rásimi ótti
ALMATY. 29 maýsym. QazAqparat - Otan qorǵaýshylardyń boıynda eń aldymen tabandylyq pen berik jiger bolýy kerek.
Búgin Almatyda ál-Farabı atyndaǵy QazUÝ áskerı kafedrasy kýrsanttarynyń áskerı ant qabyldaý sharasy kezinde osylaı aıtyldy. Áskerı kafedra bastyǵy, polkovnık Oleg Stepanenkonyń sózine qaraǵanda, bul kýrsanttar Qazaqstannyń jetekshi joǵary oqý ornynyń 70-shi túlekteri. Olarǵa sát-sapar aıtqan QR Generaldar keńesiniń tóraǵasy, general-maıor Rústem Qaıdarov: «Bilim nárimen sýsyndaǵan ýnıversıtetterińdi qaıda bolsańdar da umytpańdar. Barynsha ádil, adal bolyńdar. Generaldar atynan senderge de general bolýdy tileımin»,- degen júrekjardy tilegin jetkizdi. Saltanatty shara kezinde qonaqtar aeroutqyr áskerı jaýynger-desanttarynyń urys daıyndyqtarynyń, Radıoelektronıka jáne baılanys áskerı-ınjenerlik ınstıtýty kýrsanttarynyń saptyq daıyndyqtarynan qoıylymdar kórsetildi. Sondaı-aq QazUÝ kýrsanttar valsin, Almaty garnızony birlesken áskerı orkestrleri plats-kontsertterin tamashalady.
