Ál-Farabı atyndaǵy Qazaq ulttyq ýnıversıteti Ábish Kekilbaevtyń 70 jyldyǵyn atap ótýde
Y. Jeltoqsannyń 21-i. QazAqparat /Názıra Eleýhan/ - Búgin ál-Farabı atyndaǵy Qazaq ulttyq ýnıversıteti halyq jazýshysy, Qazaqstannyń Eńbek Eri, kórnekti memleket jáne qoǵam qaıratkeri, QR Parlamenti Senatynyń depýtaty, Memlekettik syılyqtyń ıegeri Ábish Kekilbaevtyń 70 jyldyq mereı toıyn atap ótýde,
dep habarlaıdy QazAqparat.
Mereıtoılyq shara QR Bilim jáne ǵylym mınıstrligi men ál-Farabı atyndaǵy Qazaq ulttyq ýnıversıtetiniń uıymdastyrýymen ótken «Ábish Kekilbaev jáne qazirgi zaman shyndyǵy» atty halyqaralyq ǵylymı-teorııalyq konferentsııamen ashyldy. Jıynǵa Iran, Germanııa, Úndistan, Qyrǵyzstan, AQSh jáne Reseıden kelgen ǵalymdar, sondaı-aq óz elimizdiń ǵalymdary men qoǵam qaıratkerleri, jazýshylar men depýtattar qatysty. Ǵalymdar men qonaqtar Ábish Kekilbaevty mereı toıymen jáne elimizdiń eń bıik nagradasy «Qazaqstannyń Eńbek Eri» ataǵymen quttyqtap, onyń álemdik jáne otandyq mádenıetke, qazaq rýhanııatynyń órken jaıýyna, qazaq ádebıetiniń jańa beleske kóterilýine aıyryqsha sińirgen eren eńbegi jaıynda baıandamalar oqyp, ol týraly oılary men pikirlerin bildirdi.
«Naǵyz talanttar besigine aınalǵan ál-Farabı atyndaǵy Qazaq ulttyq ýnıversıteti úshin, darhan dalanyń daryndy jazýshysy, óz oqý ordasynyń túlegi Ábish Kekilbaevtyń mereı toıyn toılaý - biz úshin úlken mártebe, ári maqtanysh. Ábish Kekilbaıuly tek qazaq ádebıeti men mádenıetiniń abyroıyn asyryp qoıǵan joq, ol óziniń tamasha talantymen, darhan darynymen búkil álem ádebıetine olja salǵan sańlaq sýretker, zańǵar qalamger», dedi sharanyń saltanatty ashylý rásiminiń alǵy sózinde atalmysh oqý ornynyń rektory Baqytjan Jumaǵulov .
Mereıtoılyq shara keshke Stýdentter saraıynda ótetin toı ıesine arnalǵan jıynmen jáne kontserttik baǵdarlamamen jalǵasady.
