«Alfa Tsentavra» juldyz júıesine shaǵyn robottar jetkizilmek
ASTANA. QazAqparat - Reseılik mıllıarder ıÝrıı Mılner men ataqty brıtandyq ǵalym Stıven Hokıng 100 mln dollarǵa baǵalanatyn jańa jobany qolǵa aldy, dep habarlady www.24.kz.
Olardyń maqsaty - Jer sharyna eń jaqyn ornalasqan «Alfa Tsentavra» juldyz júıesine shaǵyn robottardy jetkizý. Jerserikter galaktıkaǵa 20 jylda jetý úshin saǵatyna 160 mln shaqyrym jyldamdyqpen ushýy tıis. Alys juldyzdarǵa jetý - adamzattyń ejelden kele jatqan armany. Biraq ony júzege asyrý tehnıkalyq jaǵynan óte qıyn. Bizge eń jaqyn juldyzdar júıesi 40 trln shaqyrym qashyqtyqta ornalasqan. Búginde qoldanyp júrgen ǵarysh kemelermen jetý úshin 30 myń jyl qajet.
«Juldyzdarǵa jetý - adamzattyń armany. Biz - buryn ǵylymı fantastıka bolyp kelgen osy ıdeıalardy júzege asyra alatyn alǵashqy urpaqpyz. Tásilimizdiń jańashyldyǵy - ǵaryshqa adamdar mingen úlken kemeni emes, salmaǵy birneshe keliden aspaıtyn nanorobottardy jiberý. Osyndaı kólemdegi qurylǵylardy jasaýǵa jol ashatyn tehnologııalar jaqynda ǵana paıda boldy», - dedi kásipker ıÝrıı Mılner.
Bir top mamandar osy saladaǵy zertteýlerge qarjy quıylsa, «Alfa Tsentavraǵa» 30 jylda jetetin ǵarysh kemesin jasaýǵa bolady degen qorytyndyǵa keldi. Alaıda bul úshin kemeniń kólemin elektrondy aspaptarda qoldanylatyn chıp mólsherine deıin azaıtý qajet. Osy jobany qarjylandyrýǵa mail.ru portalyn qalaýshy ıÝrıı Mılner nıet bildirdi. Ata-anasy ıÝ.Gagarınniń qurmetine ıÝra dep ataǵan kásipker bala kezinen ǵaryshker bolýdy armandaǵan. Byltyr ol ǵaryshtaǵy tirshiliktiń ózge túrlerin izdeý jobasyna 100 mln dollar bólgen edi.
«Astronomdardyń boljamy boıynsha, «Alfa Tsentavradaǵy» juldyzdardyń birin tirshiligi bar ǵalamshar aınalyp júr. Aldaǵy 20 jylda Jer beti men ǵaryshta ornalasqan teleskoptardyń kómegimen ol týraly kóbirek bilemiz. Jańa tehnologııalardyń arqasynda kelesi urpaq adamzattyń juldyzdarǵa jetý armanyn oryndaýy múmkin», - deıdi ǵalym Stıven Hokıng.
Ol úshin bir myń shaǵyn kemeni Jer orbıtasyna shyǵarý kerek. Árqaısysy kún jelkenimen jabdyqtalǵan kemelerdi jaryq kúshi qozǵaltady. Jer betindegi alyp lazer bergen kúshti údetýdiń arqasynda olar qazirgi ǵarysh kemelerinen bir myń ese asatyn jyldamdyqpen jetýi tıis. Nanoqurylǵy kameralardan, baılanys pen baǵdar anyqtaý quraldarymen jabdyqtalǵan shaǵyn robottan jáne kún jelkeninen turady. Jelkenniń salmaǵy birneshe gramm bolmaq.
Joba avtorlary zertteý jumystary men sapardy daıyndaýǵa birneshe jyl ýaqyt ketedi dep otyr. Osy jobanyń dırektorlar keńesine facebook áleýmettik júıesiniń negizin qalaýshy Mark Tsýkerberg te kirgen.
Foto:ecos.org.ua
