Albert Raý óziniń jańa qyzmeti týraly aıtyp berdi
ASTANA. QazAqparat - Parlament Májilisiniń jańa depýtaty, burynǵy Investıtsııalar jáne damý vıtse-mınıstri Albert Raý óziniń depýtattyqqa taǵaıyndalýyn kútpegen jańalyq dep sanamaıdy, dep xabarlaıdy QazAqparat.
«Bul mańyzdy kezeń. Men buǵan byltyrdan beri, «Nur Otan» partııasy meni úmitkerler tizimine engizgen kezden beri daıyn boldym. Parlamentte partııanyń 84 orny bar, sondyqtan bes jylda seni shaqyrtyp alýy múmkin, soǵan daıyn bolýyń kerek. Mine, meni depýtattyqqa shaqyryp aldy», - dedi ol.
Onyń sózinshe, ol vıtse-mınıstr laýazymynan ketýge nıettenbegen.
«Men Úkimette qyzmet etken 7 jyldyń ishinde Parlamenttegi jaǵdaı ózgermegen sııaqty. Biz, Úkimet qyzmetkerleri Parlamentte zań jobalarynyń sapasyna qatysty qatty suraý bolatynyn bilemiz. Men búgin depýtattyq saýaldardy tyńdap otyryp, olar bizdiń saılaýshylarymyzdyń múddesin qorǵaýǵa baǵyttalǵandyǵyna taǵy bir ret kóz jetkizdim (...). Qazir Parlament aldynda jańa maqsat-mindetter tur. Ol konstıtýtsııalyq reformalarǵa ǵana emes, «Jańǵyrtý 3.0» strategııasyna da baılanysty ister. Ol qazir zańnamalyq qamtamasyz etýge zárý», - dedi Albert Raý.
Onyń aıtýynsha, jańa májilismendi áriptesteri jyly qabyldaǵan.
«Parlamentte «álimjettik» joq dep aıtty. Men áskerde boldym, sondyqtan onyń ne ekenin bilemin», - dep qaljyńdady ol.
Aıta keteıik, Ortalyq saılaý komıssııasynyń qaýlysymen, «Nur Otan» partııasynyń múshesi Albert Pavlovıch Raý Parlament Májilisiniń depýtaty retinde tirkelgen bolatyn.
