Albert Raý «ArselorMıttal Temirtaýdy» synǵa aldy
«Arselorǵa» eleýli suraq bar. Shaǵyn metallýrgııa damyp keledi, al endi myna alpaýytpen ne isteýge bolady? «Arselor» Úkimetti jáne bizdiń bárimizdi únemi bopsalaı bere almaıdy. Kezeńi kelgende, eshqandaı da memlekettik qoldaý oǵan kómektese almaıdy. Sondyqtan «Arselordyń» jańa basshylyǵy (1 mamyrdan «ArselorMıttal Temirtaýdyń» bas dırektory bolyp Paramjıt Kalon taǵaıyndaldy) eleýli qaterlerge jaýap beretin bolady», dedi ol IV «Karaganda Invest-2016» halyqaralyq ınvestıtsııalyq forýmynda sóılegen sózinde.
Vıtse-mınıstr baıandamasynda tústi jáne qara metallýrgııadaǵy álemdik trendterge toqtaldy. Sarapshylardyń esepteýleri boıynsha, 2030 jylǵa qaraı bolatty tutyný 30 paıyzǵa, mys - 70 paıyzǵa, alıýmınıı 50 paıyzǵa, myrysh 70 paıyzǵa ósedi dep boljamdalýda.
«Jasyl ekonomıka» talaptaryna baılanysty úderisterdi qarap ótý qajet. Eńbek ónimdiligi men elektr qajetsiný jaǵynan biz básekege qabilettimiz. Energııa tutyný jóninen biz meje belgilep, qara metallýrgııanyń jaǵdaıy neshik bolatynyn ataýymyz kerek» - dep atap kórsetti A.Raý.