«Ál-Barakat Kompanı» JShS basshysy úleskerlerge 1 mlrd teńgeden astam somaǵa zalal keltirdi - Astana q. boıynsha MKD

Astana qalasy boıynsha memlekettik kiris departamentiniń ekonomıkalyq tergeý qyzmeti «ÁlBarakat Kompanı» JShS basshysy Toıymbetov Baqytjan Quttybekulynyń isine qatysty tergeý júrgizgende úı keshenderiniń qurylysy kezinde jeke tulǵalardyń aqshasy jymqyrylǵany anyqtaldy.

Qylmystyq isti tergeý kezinde Toıymbetov B.Q «Ál-Barakat Kompanı» JShS, «Selıger-K» JShS, «Kósshe-Qopa» JShS, «Shańyraq Stroı KZ» JShS, «AsSem» JShS, jáne «Kaz AVTO development» JShS qurý arqyly jáne Astana aýmaǵyndaǵy «Shardja», «Praga», «Teńiz», «Tokıo», «AqJar», «Turan Astana» turǵyn úı keshenderiniń qurylysyna jáne Aqmola oblysy Tselınograd aýdany aýmaǵyndaǵy «Quryltaı», «Jaılaý», «Apple town» turǵyn úı keshenderiniń qurylysyna ınvestıtsııa quıý úshin jeke tulǵalardyń qarajatyn alyp, óziniń qyzmettik babyn paıdalanyp, asa iri kólemde qarajatty qaltasyna basqanyn anyqtady.

Toıymbetov B.Q qylmystyq isteri saldarynan jeke tulǵalarǵa 1 mlrd teńgeden astam somaǵa zalal keltirildi.

2015 jyldyń 8 qazanynda Astana qalasyndaǵy Saryarqa aýdandyq soty Toıymbetov B.Q qatysty qamaýda ustaý túrindegi bultartpaý sharasyn bekitti.

Sonymen qatar onyń shamamen 800 mln.teńgeniń múlki tárkilendi.

2016j. naýryzdyń sońynda Toıymbetov B.Q qatysty aıyptaý akti qurylyp, is Astana q. prokýratýrasyna joldandy. Qazir Astana q. prokýratýrasy aıyptaý aktisin bekitip, isti Saryarqa aýdandyq sotyna joldady.