«Ál Barakat Kompanı» basshysy Toıymbetovtiń ústinen qylmystyq is qozǵaldy
ASTANA. QazAqparat - Astana qalasy boıynsha MKD-niń ekonomıkalyq tergeý qyzmeti "Ál Barakat Kompanı" JShS, "KÓKShE-QOPA" JShS, "SELIGER-K" JShS, "Astana Aqjar Qurylys" TQK,"Shańyraq Stroı KZ" ShJS , "AsSem" JShS, "Munai Prom Oil" JShS, "Balqaraǵaı town" JShS, "CONTINENT PETROLEUM COMPANY" JShS jáne "Quryltaı-2014" TQK-nyń basshysy bolyp tabylatyn Toıymbetov B.Q-ǵa qatysty Aqmola oblysynyń Tselınograd aýdany aýmaǵyndaǵy «Quryltaı», «Jaılaý», «Apple Town» turǵyn keshenderi men Astana qalasynyń aýmaǵyndaǵy «Praga», «Shardja» jáne «Aq Jar» turǵyn keshenderin salý kezinde alaıaqtyq, ózine senip tapsyrylǵan ózgeniń múlkin ıemdený jáne jumsap qoıý faktisimen qylmystyq is tergelýde.
Sonymen birge, Toıymbetov B.Q-nyń Astana qalasyndaǵy «Turan» TK-in salý kezinde «Kaz avto development» JShS-ne qatysy bar ekeni anyqtaldy.
2015 jyldyń 8 qazanynda Astana qalasyndaǵy Saryarqa aýdandyq soty oǵan qamaýda ustaý túrindegi bultartpaý sharasyn bekitti.
Astana qalasy boıynsha memlekettik kirister departamenti joǵaryda atalǵan kásiporyndardyń turǵyn nysandaryn salýda ınvestorlardy tartý jaǵdaıynda tezirek 8 747 186 08 17 telefon nómirine nemese Departamenttiń kezekshilik bólimine 31-61-45 telefon nómirine habarlasýǵa bolatynyn eskertip otyr.
