Ál-Baradeı Mysyr prezıdenti bolýǵa ázir
ASTANA. 5 aqpan. QazAqparat - Mysyr oppozıtsııasynyń negizgi qaıratkerleriniń biri Ál-Baradeı, prezıdenttik saılaýǵa óz kandıdatýrasyn usynbaıtyndyǵy týraly aqparatty teriske shyǵardy,
dep habarlaıdy RBK agenttigi.
Buǵan deıin birqatar buqaralyq aqparat quraldary, Atom energııasy jónindegi halyqaralyq agenttiktiń (MAGATE) burynǵy basshysy Ál-Baradeıdiń 2011 jyldyń qyrkúıek aıyna belgilenip otyrǵan prezıdenttik saılaýǵa qatyspaıtyny týraly aqparat taratqan bolatyn.
«Bul - jalǵan aqparat. Eger mysyr halqy eldegi reformany meniń jalǵastyrǵanymdy qalasa, men olardyń úmitin aldaı almaımyn», dedi Ál-Baradeı Katardyń Al Jazeera telearnasynyń tilshisine bergen suhbatynda.
Ál-Baradeı eldiń qazirgi basshysy Hosnı Múbaraktyń saıasatyna qarsylyq bildirip, ony otstavkaǵa ketýge shaqyryp otyrǵan oppozıtsııa qaıratkerleriniń qatarynda.
