Ál-Baradeı Mysyr prezıdenttigine óz kandıdatýrasyn usynady
ASTANA. 9 naýryz. QazAqparat - MAGATE-niń burynǵy basshysy Muhammed ál-Baradeı aldaǵy tamyz aıynda ótetin saılaýda Mysyr prezıdenttigine óz kandıdatýrasyn usynǵaly otyrǵanyn málim etti.
Bul týraly «Magrıd Arab Press» aqparat agenttigine silteme jasap ITAR-TASS habarlady.
«Mysyr halqyna qyzmet etý, memlekettik basqarý jáne jańartylǵan saıası júıe qurý reformasyna úles qosý men úshin úlken qurmet», -dedi 68 jastaǵy saıasatker Kaırde óz jaqtastarymen bolǵan kezdesýde.
Ál-Baradeı kezinde uzaq jyldar boıy Mysyrdyń Syrtqy ister mınıstrligi júıesinde, keıinnen BUU qurylymdarynda jumys istegen. 1997-2009 jyldar aralyǵynda MAGATE-ni basqarǵan. 1981 jyldan beri bılik basynda otyrǵan Hosnı Múbarakty ketýge májbúrlegen qańtar-aqpan aılaryndaǵy buqaralyq narazylyq aktsııasyna en belsendi qatysýshylardyń biri bolǵan Ál-Baradeı, úkimetke qarsy sherýler kezinde Mysyrda reforma júrgizýdi maqsat etken partııalyq emes saıası qozǵalysqa jetekshilik etti.
Ál-Baradeı «Atom energııasyn áskerı maqsatta qoldanýǵa jol bermeý jáne atom energııasynyń beıbit maqsatta barynsha qaýipsiz jaǵdaıda paıdalanylýyn qamtamasyz etý jolyndaǵy eńbegi úshin» 2005 jyly MAGATE-men birge Nobeldik álem syılyǵyn alǵan bolatyn.
