Ál-Azhardyń Bas ımamy: Terrorızmdi eshbir din oılap tapqan joq
«Oılap otyrsańyz, terrorızmniń resýrstary, qarýlanýy, alapat kúshpen bir shekaradan ekinshisine emin-erkin ótip ketip, tutqıyldan shabýyldaýy - oǵan ıslam áleminiń muryndyq bolyp otyrǵanyna kúmán týdyrady», - dedi Sheıh Muhammad Ahmad at-Taıebtiń.
Onyń atap ótýinshe, terrorızmniń musylmandarǵa telinýi - tek betperde ǵana.
«Álbette, áreket alańy ıslamdyq, arabtyq alańda ótip jatqanyn bilip otyrmyz. Sondaı-aq, bul oıynda arabtar men musylmandar zardap shegip jatyr. Al túptep kelgende rejıssýrada arabtyq nemese ıslamdyq qatysý baryna anyq kúmánimiz bar. Islamnyń atyn jamyla otyryp, terrorızm arab álemine úlken soqqy berdi. Osynyń saldarynan musylmandarǵa úreımen qaraıtyn kózqaras qalyptasty», - deıdi ol.
Sheıh Muhammad Ahmad at-Taıeb terrorızm eshqandaı ultqa da, dinge de bólinbeıtinin atap ótti.
«Terrorızmdi ıslam da, hrıstıandyq ta, ıýdaızm de oılap tapqan joq. Ol - halyqaralyq saıasattyń adasyp ketken ádiletsiz balasy ispetti. Ol eshkimdi bala dep, úlken dep bólmeı qatygezdigin jasaı beredi», - deıdi Mysyrdyń Bas ımamy.
Óz sózine dálel retinde ol birneshe statıstıkalyq málimet keltirdi.
«Eýropadaǵy «ekstremıstik ıslamızm» dep atap ketken qubylystyń statıstıkalyq málimetterine kóz júgirttim. Sırııa men Irakqa tartylǵan eýropalyq jastardyń kóbi din jolynda bolmaǵanyn oqydym. Oılap qarańyz, statıstıkalyq málimet boıynsha eýropalyq 400 otbasydan Sırııa men Irakqa jastar ketken. Olardyń 40 paıyzy dinı senimde bolmaǵan. ıAǵnı, olar - ateıster. Qalǵan 40 paıyzy katolıtsızmdi ustansa, 19 paıyzy ǵana musylman, 1 paıyzy ıýdeı bolǵan. Osylaısha, bul jerde másele ıslam dinindegi jastarda nemese ıslam jıhadynda emes ekenin ańǵara berińiz. Bul ádiletsizdiktiń belgisi. Qazirgi órkenıette dinı qundylyqtar men normalardyń joqtyǵy baıqalady», - deıdi ol.
Eske salaıyq, elordada QR Prezıdenti Nursultan Nazarbaevtyń tóraǵalyǵymen Álemdik jáne dástúrli dinder kóshbasshylarynyń VI sezi ótip jatyr.
